Bi boneya salvegera 27’an a Komploya Navneteweyî ya li dijî Rêberê Gelê Kurd Abdullah Ocalan, li her çar parçeyên Kurdistanê û çar aliyên cîhanên çalakiyên protestoyî hatin lidarxistin. Di çalakiyên protestoyî de herî zêde daxwaza azadiya fîzîkî ya Abdullah Ocalan derket pêş û li qadan peyama “Hûn nikarin milyonan kesan bixin odeyeke biçûk” derket pêş. 

 

Welatiyên Amed, Stenbol, Hatay û Şirnexê (Cizîr) ji ajansa me re axivîn û got “Em dixwazin Rêberiya xwe li derve di nav gel de bibînin.” 

 

ŞIRNEX/CIZÎR 

 

Welatiyên Cizîrê meşa li dijî komployê bi dirûşma “Bi ronahiya heqîqetê ber bi azadiyê ve” li dar xist. Ji heft salî heta heftê salî bi hezaran kes tev li meşê bûn. Kesên tev li meşê bûn, gotin ku êdî dema azadiya fîzîkî ya Abdullah Ocalan hatiye. 

 

STENBOL

 

Welatiyên li dijî Komploya 15’ê Sibatê tev li çalakiya li Qada Aksarayê ya Fatîhê bûn jî diyar kirin ku divê rayedar ji bo “Mafê hêviyê û azadiya fîzîkî” ya Abdullah Ocalan tişta ji destê demildest bikin. 

 

HATAY 

 

Rêxistina DEM Partiyê ya Hatayê jî duh di çarçoveya “Hevdîtinên Aştî û Civaka Demokratîk” de li navçeya Îskenderûnê bi gel re hevdîtin kir. Welatiyên tev li hevdîtinê bûn got: “Tirkiye li rexekî bi Kurdan re aştiyê dike û li rexa din jî êrişî Kurdên Sûriyeyê dike. Ev wiha nabe. Aştî, bi gotinan nayê. Lewma heta Rêbertiya me di nav gelê xwe de nebe, aştî nayê.” 

 

AMED  

 

Welatiyên li Amedê tev li meşê bûn jî got: “Komplo, ji ber fikrên Rêber Apo û bi berxwedana gelê Kurd bi ser neket.” Welatiyan got, êrişa li dijî Abdullah Ocalan êrişa li dijî gel e û ev tişt anî ziman: “Em mecbûr in li dora Serok bibin xelekek. Em Serok azad bikin ku em jî bikarin azad bibin.”