Civata Kedkarên Kurdistanê (Komala) ragihand ku Îranê bombe li biryargehên wan ên li Hewlêrê barand. Endamê Desteya Rêveber a Komala Amjad Huseyîn Panahî li ser hesaba xwe ya medyaya dijîtal daxuyanî da û diyar kir ku biryargehên wan ên li Geliyê Alana, ji aliyê Îranê ve hatine hedefgirtin.

 

Panahî, anî ziman ku êriş ji aliyê Artêşa Muhafizên Şoreşê yên Îranê ve pêk hat û diyar kir ku saet 12.45’an sê fuze li baregehên Komala ketine. Panahî, destnîşan kir ku di êrişê de tu ziyanên canî çênebûne û diyar kir ku Îran ji destpêka şer û vir ve êrişên xwe yên li ser Komala didomîne.

 

Panahî, ragihand ku Îranê ji destpêka şer û vir ve bi zêdeyî 76 fuze û balafirên bêmirov êrişî biryargehên Komala kiriye.