Komîsyona Wezîran têkildarî "mafê hêviyê" îşaret bi komisyona ku li meclisê hatibû avakirin kiribû. Hevberdevka HDK'ê Meral Daniş Beştaş ku vê yekê nirxand, got: "Komîsyon divê bi rêya qanûnên demkî tavilê 'mafê hêviyê' daxilî rojeva xwe bike."
Texsîvan Alî Sancarê ku li Beyoglûyê êrişî wî hat kirin û hat xespkirin, jiyana xwe ji dest da.
Bavê Rojin Kabaîşê Nizamettin Kabaîş, serî li Wezareta Dadê da û xwest ku agahiyên kêm ên di dosyeya dozê de bên çareserkirin. Kabaîş got: "Divê agahiyên kêm bên çareserkirin û kujer bên dîtin."
Xelatên 32’yemîn yên Rojnamegeriyê yên Mûsa Anter û Şehîdên Çapemeniya Azad, bi merasîmekê hatin dayin. Di axaftinên torenê de banga “Dev ji zimanê jehrî berdin, em aştiyê ava bikin” hate kirin.
Gulistan Demîr, dayika girtiyê nexweş Mehmet Alî Ûgûr ku rewşa wî her ku diçe xirabtir dibe, wiha pirsî: "Heta ku girtiyên nexweş neyên berdan, aştî nayê vê axê. Dema ku girtî di girtîgehê de jiyana xwe ji dest bidin, dê aştî çawa were?"
Parêzer Rengîn Ergulê diyar kir ku Komîteya Wezîran a Konseya Ewropayê, têkildarî "mafê hêviyê" yê Abdullah Ocalan de, îşaret bi komîsyona ku li meclisê hatiye avakirin kiriye û got: "Hêviya me ew e ku komîsyon qanûneke der barê 'mafê hêviyê' de ku her kesî dihewîne amade bike."
Nexweşê Alzheimerê Ramazan Batur 3 roj berê ji mala xwe ya li gundê Bêwasê yê Misircê derket û ji wê rojê ve tu agahî jê nayên girtin.
Dayikên Aştiyê yên Botanê bertek nîşanî biryara “Mafê hêviyê” ya Komîteya Wezîran a Konseya Ewropayê dan û gotin: “Bêyî azadiya Rêberê me çareserî nabe. Heta Rêberê me azad dibe dê têkoşîna me bidome.”
Şaredariya Cizîrê têkildarî projeyên ekolojiyê civîna gel li dar xist. Di civînê de biryara avakirina “Meclisa Ekolojiyê” hate dayin.
Li gorî rapora Meclisa ÎSÎG’ê; di serdema perwerdeyê ya 2024-2025’an de herî kêm 72 zarokên karker jiyana xwe ji dest dan. Di raporê de hate gotin ku li gorî sala par rêjeya mirina zarokên karker ji sedî 10 zêdetir bûye.
Li navçeya Sîba Şêx Xidir a Şengalê goreke komî ya nû hate dîtin. Di gorê de nasnameyên kesên ji Fermana 3’yê Tebaxê heta niha winda de hatin dîtin.
Li Sêweregê di nava 10 mehên dawî de herî kêm 11 ciwan neçarî întîharê hatin kirin. Zêdebûna bûyerên întîharê di nava gel de rê li ber fikaran vekiriye û malbat dixwazin tevdîr bên girtin.
Dayikên Aştiyê yên Êlihê bilêv kir ku dewlet ji destpêka pêvajoyê ve tu gavên berbiçav neavêtine û xwestin ku dewlet bi azadiya fizîkî ya Rêberê Gelê Kurd Abdullah Ocalan gava ewil biavêje.
Derket holê ku Firat Acar ê xwe wekî pisporê Rojhilata Navînê, hiqûqnas, akademîsyen, nivîskar, mexdûrê KHK'ê û şêwirmendê malbata Barzanî dide naskirin û bi vî awayî têkiliyeke hestiyarî bi jinan re datîne û wan dixapîne, xwedî nasname û dîplomayeke sexte ye.