Zêdetirî hezar aktivîstên civaka sivîl û parazvanên mafên mirovan ji bo Şerîfe Mihemedî bang li rejîma Îranê kirin û xwestin biryara erêkirina cezayê darvekirinê were betalkirin.
Meclisa Jinan a DBP’ê, diyar kir ku bêdengiya saziyên dewletê û ya darazê tundiya li dijî jinan zêde dike û got. “Di mijara necezakirina sûcên li dijî jinan de, 'mirinên biguman' ên roj bi roj zêde dibin, ji bo parastina faîlan û veşartina rastiyê weke mertalekî tên bikaranîn.”
Girtiyên jin ên li Girtîgeha Jinan a Sîncanê bertek nîşanê helwesta komîsyona ku li Meclisê derbarê pêvajoyê de hatiye avakirin dan û pirsa, 'Ger hêj hikmên rêziknameya navxweyî li ser zimanê gel hesas nebe dê ev çawa pêk bê?', kirin.
Berdevka Giştî ya SKM’ê Tanya Kara diyar kir ku tê xwestin dijminatiya li hemberî jinan jinûve were dîzaynkirin û got: “Girîng e ku têkoşîna ji bo jiyaneke wekhev û azad bi awayekî herî xurt were birêxistinkirin.”
NADA’yê ji bo parastina mafên mexdûrên trajediya di sala 2014’an de DAIŞ’ê li Geliyê Xesfeyê kiribû û malbatên wan, banga lêpirsîneke neteweyî û navneteweyî kir.
Kovara Jinê vê hefteyê bal kişand ser têkoşîna rojnamegerên jin û bi manşeta “Têkoşîna heqîqetê ya rojnamegerên jin” derket.
Meclisa Jinan a DEM Partiyê ya Stenbolê, di çarçoveya çalakiyên 1’ê Îlonê de ‘xeleka aştiyê’ ava kir û destnîşan kir ku jin temînata aştiyê ne.
Ji bo du xwişkên ku li Mêrdînê li heman malê mirî hatibûn dîtin, dozgerê taybet hat peywirdarkirin. Hat îdiakirin ku zînetên jinan ne li cihê xwe bûne û xizmên wan xwestin bûyer bê ronîkirin.
Endama Jinên Halkevê Buse Uçer, diyar kir ku ji bo demokrasiyê pêdivi bi polîtîkayên ku mafê jiyana jinan diparêze heye û got, “Ewlehî û wekheviya jinan bingeha aştiyê ye.”
Li Mîlasê jina bi navê Kezban Sune ji aliyê B.K. ve hat qetilkirin.
Tevgera Şemiya Binefşî, têkildarî konferansa ku bi tevlêbûna muxalifên Talîban û rayadarên hikûmeta Pakistanê bê lidarxistin daxuyanî da û bang kir ku divê di konferansê de berjewendiyên gelê Efxan esas bê girtin.
Dayikên Aştiyê yên ku di civîna komîsyona li Meclisê de axaftina wan a bi Kurdî hate astengkirin, diyar kirin ku ji bo çareseriya pirsgirêka Kurd ji ewil divê Kurdî were qebûlkirin û xwestin “mafê hêviyê” yê Abdullah Ocalan jî bê cîbicîkirin.
Li navçeya Artukluyê cenazeyên 2 jinên ku tê texmînkirin 10 roj berê jiyana xwe ji dest dane, hatin dîtin.
GABB’ê, ji bo xurtkirin û xuyanîkirina keda jinê li Wanê atolyeya aboriyê li dar xist.
Jinan, Narîn Guran li ser gora wê bi bîr anîn û gotin heta faîlên wê yên rasteqîn derdikevin holê dê dozê bişopînin.