Parlamentera CHP'ê ya Enqereyê Şenal Sarihan, ji Wezîrê Karên Hundir Suleyman Soylu, revandina xwendekarê Zanîngehê Denîz Bahçecî yê ji aliyê kesên wekî KGT'ê xwe dan naskirin pirsî. Sarihan, ji wezîr Soylu pirsa "Kesên xwe wekî KGT'ê pênase kirin kîne" pirsî.
Hêzên muxalif têkildarî niqaşên nava AKP'ê, rewşa AKP'ê wekî Keştiya Noqî avê dibe pênase kirin. AKP dixwaze kesên wekî westiyayî îstîfa bike. Kesên li dijî îstîfayê di ber xwe didin jî li djî wan ji nava AKP'ê dengê “qeyûm" bilind dibe.
Hevseroka Kantona Efrînê Hevî Mistefa, têkildarî ketina leşkerên Tirkiye ya Idlibê û daxuyaniyên îktîdara AKP'ê diyar kir ku Tirkiye li ser navê "Parastina sivîlan" dikeve Idlibê û wiha got: "Lê di rastiyê de armanca Tirkiye ya sereke pêşîgirtina destkeftiyê kurdan e. Erdogan li dijî kurdan bi dijminê xwe re îtifaqê çê dike. Lê Erdogan çi bike jî dê Idlib bikeve."
HDP dê salvegera damezrandina xwe ya 5’emîn sibê li Stenbolê bi şahiyekê pîroz bike.
Di demên dawî de li Meclisa Tirkiyeyê peyva "Kurdistan"ê ji ber ku şaş tê gotin, Wekîlê HDP'ê Lezgîn Botan bi pirsnûmeyekê xwest "Şaşî bê sererastkirin".
Serokwekîlê Koma HDP'ê Ahmet Yildirim, pergala li Tirkiye rexne kir û wiha got: "Li Tirkiye demokrasî bû "Komara Mûz"ê, Razemenî bû "Komara Betonê", Perwerde bû "Komara Kobay". Lê tu carî ev welat nebû "Komara demokratik".
Serokê Giştî yê DBP'ê Mehmet Arslan aşkera kir ku derdê Tirkiyeyê ne Idlib, dorpêça Efrînê ye û wiha got: "Daxwazeke Erdogan a der barê Tirkiyeyê de tune, daxwaza 'Bila kurd nebin xwedî gotin' heye. Polîtîkaya wan a dijberî kurdan ji bo hemû parçeyan derbas dar e."
Hevserokê Giştî yê HDP'ê Selahattîn Demîrtaş, daxwazname ji Serokê Meclîsa Tirkiye re şand û xwest gotina Wezîrê Dadê ya "Girtina li girtîgehê li pêş wekîltiyê ne asteng e" esas bê girtin û rojeva parlamentoyê ji wan re bê şandin.
Hevseroka Giştî ya HDP'ê Serpil Kemalbay, di civîna koma HDP'ê ya meclîsê de bal kişand ser komkujiya 10'ê Cotmehê û komkujiyên din û wiha got: "AKP ditirse berpirsiyarê van komkujiyan ronî bike. Ji ber ku berpirsê van sûcan AKP ye. AKP sûcê xwe vedişêre.
Alîgirê Hevserokatiya Giştî ya HDP’ê û aborîzan Sezaî Temellî, anî ziman ku ji bo kirîna çekan û kêmasiya budçeyê ji holê bê rakirin îktîdar difikire ku di sala 2018’an de zemên OTV û MTV’ê bîne. Temellî, dest nîşan kir ku hikûmet fatûreya şer li gelê xizan dibire.
Wekîla HDP'ê ya Êlihê Ayşe Acar Başaran, bal kişand ser rewşa gerîlayê HPG'ê Cuma Îmen û bi pirsnameyekê bir rojeva Meclisê.
Endamê Meclisa DBP'ê Abbas Hilmi Azîzoglu, pêşniyar û rexneyên Komîsyona Venedîkê yên der barê Tirkiye de nirxand û diyar kir ku ger Tirkiye pêşniyarên komîsyonê pêk nîne dê têkiliyên bi YE'ê re bi tevahî xela bibe.
Parlamenterê HDP'ê yê Semsûrê Behçet Yildirim, di kongreya HDP'ê ya Navçeya Navendî ya Semsûrê de axivî û pêşnûmaya zagonên torbe rexnekir. Adiyaman diyar kir ku ev zagon têkeve meriyetê dê aborî bi temami xelas bibe.
Piştî Bexda û Hewler li ser 4 xalan li hev kirin, Serokê Parlamentoya Iraqê Selim Ciburî, li Hewlerê bi Serokê PDK'ê Mesut Barzanî re civiya.
Piştî ziyareta Erdogan a Tahranê Bexda ket nava tevgerê. Sefîrê Enqere yê Iraqê Alavî diyar kir ku ger hewce be dê bi Tirkiye re hevpar mudaxaleyî deriyê sînor bikin û serî li hêzê bidin.